Kontrolli i shpirtit nga doganat ajrore pas ndarjes nga trupi -Vazhdim
2) Dogana e sharjes
Në këtë doganë kaluam pa probleme, falë edhe uratave të Atit të Shenjtë At Vasilit. Ëngjëjt duke u ngjitur thoshin ndërmjet tyre: «ndihmë të madhe gjeti ky shpirt nga shërbëtori i Perëndisë Vasili», se përndryshe do kishim probleme të mëdha në këto dogana.
3) Dogana e gënjeshtrës
Në këtë batalion ishte një turmë demonësh, fytyrat e të cilëve ishin shumë të shëmtuara dhe të urryera. Kur na panë, prunë të egërsuar dokumenta se gjoja shumë herë, kryesisht në moshën time fëminore, kam thënë gënjeshtra dhe kam fshehur të vërtetën. Bile, paraqitën kohën, vëndin, fjalët që thashë edhe përsonat më të cilat fola. Por ëngjëjt thoshin të vërtetën për veprat e jetës time, per pendimin, lotët dhe lutjet që bëja dhe kështu me uratat e Atit tim të Shenjtë At Vasilit, kaluam edhe nga kjo doganë.
4) Dogana e zemërimit dhe e inatit
Këtu ishte një mbledhje shumë demonësh, ku kryetari i tyre rinte në mes i egërsuar, dhe urdhëronte të tjerët me ton të egër dhe të reptë në një gjuhë të pakuptueshme për ne. Më morën në shqyrtim, jo vetem kur nxehesha dhe zemërohesha me inat dhe ligësi ose edhe me shikim të egër kundër tjetrit, por edhe kur dënoja dhe nxehesha me fëmijët e mi edhe fjalët e rënda që u thosha çdo herë. Bile edhe nëqoftëse ndonjëherë kisha frikësuar ndonjërin ose kisha armiqësi ose urrejtje dhe ndahesha e pakënaqur, të gjitha këto m’i thoshin me detaje. Atë sjellje dhe edukatë që kisha unë me të tjerët, po ato figura
bënin edhe ata. Bile, na thanë emrat e njerëzve që kisha plagosur, me fjalët e mia jo të mira, dhe zemërimin , kohën kur i thashë, si edhe vetë fjalët, po ato fjalë që kisha thënë unë kur zemërohesha me ndonjërin. Por, edhe këtej me uratat e Abatit
tim të Shenjtë ikëm.
Kontrolli i shpirtit nga doganat ajrore pas ndarjes nga trupi -Vazhdim
